Cesária Évora na Corunha

Graças à informaçom do Pepe, aluno da turma das 19h00, soubemos da próxima actuaçom da mais bem conhecida cantora cabo-verdiana: Cesária Évora, na Galiza. Vai ser no próximo dia 15 de Novembro, quinta-feira, no Teatro Colom da Corunha.

Será, sem dúvida, umha boa ocasiom para escuitar ao vivo umha das principais vozes da lusofonia, com musica africana de raiz, cantada principalmente no idioma crioulo falado em Cabo Verde, de base portuguesa, formado a partir da colonizaçom portuguesa do arquipélago, no século XV.

Quanto a Cesária Évora, já foi premiada com o Grammy em 2004, em reconhecimento do Melhor Álbum de Música contemporánea do Mundo ao seu último disco, Voz d'amor. Tem gravado e cantado para trilhas sonoras de filmes como Underground, de Emir Kusturica, e colaborado com outros grandes cantores lusófonos, como Caetano Veloso.

Aqui vos deixo um vídeo clipe da Cesária Évora, com imagens de Cabo Verde, junto a umha recomendaçom para assistirdes ao concerto se vos for possível.